അസീസ് കടപ്പുറം കാസര്‍കോട് ടൗണില്‍ വോട്ടഭ്യര്‍ത്ഥിക്കുന്നു.

കാസര്‍കോട് നിയോജക മണ്ഡലം ഐ എന്‍ എല്‍ - എല്‍ ഡി എഫ് പൊതുയോഗം മുഹമ്മദ് സുലൈമാന്‍ ഉദ്ഘാടനം ചെയ്തു

കാസര്‍കോട് : എല്‍ ഡി എഫ് ഐ എന്‍ എല്‍ കാസര്‍കോട് നിയോജക മണ്ഡലം തിരഞ്ഞെടുപ്പ് പൊതുയോഗം ഐ എന്‍ എല്‍ അഖിലേന്ത്യാ പ്രസിഡണ്ട് പ്രൊഫ. മുഹമ്മദ് സുലൈമാന്‍ ഉദ്ഘാടനം ചെയ്തു. കാസര്‍കോട് പുതിയ ബസ് സ്റ്റാന്റ് പരിസരത്ത് നടന്ന തിരഞ്ഞെടുപ്പ് പ്രചരണ യോഗത്തില്‍ മൊയ്തീന്‍ കുഞ്ഞി കളനാട് അധ്യക്ഷത വഹിച്ചു.

അസീസ് കടപ്പുറം അട്ടിമറി വിജയം നേടും: എല്‍.ഡി.എഫ്

കാസര്‍കോട്: മണ്ഡലത്തിലെ ഐ.എന്‍.എല്‍ എല്‍.ഡി.എഫ് സ്ഥാനാര്‍ത്ഥി അസീസ് കടപ്പുറം അട്ടിമറി വിജയം നേടുമെന്ന് മുന്നണി നേതാക്കള്‍ വാര്‍ത്തസമ്മേളനത്തില്‍ അറിയിച്ചു. കാസര്‍കോട് അസംബ്ലി മണ്ഡലത്തിലെ വികസന മുരടിപ്പില്‍ മനം മടുത്ത വോട്ടര്‍മാര്‍ ഇത്തവണ ഒരു മാറ്റത്തിന് ആഗ്രഹിക്കുകയാണ്.

യുഡിഎഫിനെ പാഠം പഠിപ്പിക്കാനുറച്ച് സമ്മതിദായകര്‍

കാസര്‍കോട്: വികസന മുരടിപ്പില്‍ നിന്ന് മോചനം തേടുന്ന കാസര്‍കോട് മണ്ഡലത്തിലെ സമ്മതിദായകര്‍ക്ക് പുതിയ പ്രതീക്ഷയായി എല്‍ഡിഎഫ്- ഐഎന്‍എല്‍ സ്ഥാനാര്‍ഥി അസീസ് കടപ്പുറത്തിന്റെ പര്യടനം ജനമനസ് കീഴടക്കുന്നു. എല്‍ഡിഎഫ് സര്‍ക്കാരിന്റെ വികസന മുന്നേറ്റത്തിനെതിരെ പുറംതിരിഞ്ഞ് നിന്ന് മണ്ഡലത്തെ പതിറ്റാണ്ടുകള്‍ പിന്നോട്ട് കൊണ്ടുപോയ യുഡിഎഫിനെ ഇത്തവണ പാഠം പഠിപ്പിക്കുമെന്ന് വോട്ടര്‍മാര്‍ ഉറപ്പിച്ച് പറയുന്നു.

അസീസ് കടപ്പുറത്തിന്റെ വിജയത്തിന് ലോക്കല്‍ കമ്മിറ്റികള്‍

കാസര്‍കോട്: കാസര്‍കോട് മണ്ഡലം എല്‍ഡിഎഫ്- ഐഎന്‍എല്‍ സ്ഥാനാര്‍ഥി അസീസ് കടപ്പുറത്തിന്റെ വിജയത്തിന് ബഹുജന പങ്കാളിത്തത്തോടെ ലോക്കല്‍ കവന്‍ഷനുകള്‍ ചേര്‍ന്നു. രാംദാസ് നഗറില്‍ വി നാരായണന്‍ ഉദ്ഘാടനം ചെയ്തു. കെ ടി ഗംഗാധരന്‍ അധ്യക്ഷനായി. എം രാമന്‍, കെ വി തങ്കം, കെ ഭുജംഗഷെട്ടി, വിജയചന്ദ്രന്‍ എന്നിവര്‍ സംസാരിച്ചു.

അസീസ് കടപ്പുറം നാമനിര്‍ദ്ദേശ പത്രിക സമര്‍പ്പിച്ചു

കാസര്‍കോട് : കാസര്‍കോട് നിയോജക മണ്ഡലം എല്‍ ഡി എഫ് - ഐ എന്‍ എല്‍ സ്ഥാനാര്‍ത്ഥി അസീസ് കടപ്പുറം നാമനിര്‍ദ്ദേശ പത്രിക സമര്‍പ്പിച്ചു. കാസര്‍കോട് പ്ലാനിംഗ് ഓഫീസര്‍ അജയ് കുമാര്‍ മീനോത്തിനു മുമ്പാകെയാണ് അദ്ദേഹം നാമനിര്‍ദ്ദേശ പത്രിക സമര്‍പ്പിച്ചത്. പി കരുണാകരന്‍ എം പി, കെ ബാലകൃഷ്ണന്‍, എം വി കോമന്‍ നമ്പ്യാര്‍, എം അനന്തന്‍ നമ്പ്യാര്‍, ഉദയകുമാര്‍, എന്‍ എ മഹ്മൂഹ് ഹാജി, കെ എസ് ഫക്രുദ്ദിന്‍ ഹാജി, എം കെ ചന്ദ്രശേഖര ഷെട്ടി, എം കൃഷ്ണന്‍, പി എന്‍ ആര്‍ അമ്മണ്ണായ, ആര്‍ ജി കുറുപ്പ്, വി നാരായണന്‍, പി കെ രാജന്‍, മൊയ്തീന്‍ കുഞ്ഞി കളനാട്, ഇ കെ കെ പടന്നക്കാട്, എം എ ലത്തീഫ്, സഫ്വാന്‍ ഏരിയാല്‍, മൊയ്തീന്‍ ഹാജി ചാല, പി എ മുഹമ്മദ് കുഞ്ഞി, കരിവെള്ളൂര്‍ വിജയന്‍, സിദ്ദിഖ് ചേരങ്കൈ, ജംഷാദ് കളനാട്, എ കെ കമ്പാര്‍, റസാഖ് ഏരിയാല്‍ എന്നിവര്‍ അസീസ് കടപ്പുറത്തോടൊപ്പം പത്രിക സമര്‍പ്പിക്കാന്‍ എത്തിയിരുന്നു.